La Scola chantunala grischuna è ina scola media gronda e moderna. Nus manain in gimnasi, ina scola media propedeutica (scola media da diplom) sco era ina scola media da commerziala.

Suenter la sisavla classa primara pon ins er midar en il gimnasi da lunga durada. Il gimnasi da curta durada segua la segunda classa da la scola secundara. Il gimnasi da curta durada (4 onns), sco er il gimnasi a lunga durada (6 onns) mainan a la maturitad cun renconuschientscha federala tenor ORM/MAR cun access senza examen a las scolas autas.

La scola media propedeutica segua la terza classa da la scola secundara. En trais onns maina ella al diplom federal da scola media propedeutica.

La scola media commerziala segua la terza classa da la scola secundara. Ella maina en quatter onns al diplom commerzial cun renconuschientscha federala (quel è egual a ll'attest da qualificaziun da commerzianta /commerziant)ed en quatter onns,  cun in onn da pratica, a la maturitad professiunala commerziala.

Dis tematics, occurrenzas da classa, excursiuns dal rom, sco er occurrenzas sportivas amplifitgeschan l'instrucziun.
Dasperas maina nossa scola ina gronda offerta da roms facultativs sin il sectur da las scienzias umanas, da la creativitad e dal sport.

Durant l'onn da scola 2011/12 frequentan radund 701 scolaras e 528 scolars en 65 classas nossa scola. Per l'instrucziun procuran 149 scolastas e scolasts.