La lavur da matura è ina lavur autonoma e furma ina part integrala da la scolaziun gimnasiala.
Ella porscha la pussaivladad d'elavurar ina tematica a moda autonoma e d'applitgar metodicas scientificas.
Grazia a la confruntaziun persunala cun dumondas scientificas gida la lavur da matura d'eleger la direcziun da studi u professiun.

La lavur da matura sa cumpona d'ina lavur scientifica u d'in'ovra cun in text accumpagnant e d'ina preschentaziun orala. La lavur vegn accumpagnada d'ina scolasta u d'in scolast da la Scola chantunala grischuna.
Il tema vegn stabilì en cunvegnientscha tranter scolast(a) e scolar(a). La lavur da matura po vegnir elavurada en lavur singula u en lavur da gruppa.

Impuls per tematicas per elavurar la lavur da matura chattais vus sut:

• Directivas internas da las facultads
• Temas da lavurs da matura dal passà
• Premiaziuns e distincziuns